Kombëtarja e Argjentinës fitoi minimalisht 1-0 ndaj Perusë në kualifikueset e kampionatit botëror. Lautaro Martinez realizoi golin e sukeset për amerikano-latinët. Pas ndeshjes kapiteni i Argjentinës Lionel Mesi ka akuzuar arbitrin brazilian Wilton Pereira Sampaio për tendencë në këtë ndeshje.
“Ndeshje e vështirë, e vështirë për t’u luajtur. Kishte shumë erë, të gjithë kundërshtarët po luanin mbrapa dhe po linin pak hapësira. Gjyqtari, sa herë na drejton bën të njëjtën gjë dhe duket sikur na e bën me qëllim. Gjithsesi morëm tre pikë të rëndësishme që na afrojnë me objektivin”, shkruan Messi në “Instagram”.
