Rrija e çmimeve në vend parashikon ditë të vështira për qytetarët e Kukësit, të cilët deklarojnë se shumë prej tyre jetojnë me borxhe. Qytetarët shprehen se në Kukës nuk ka vende pune dhe fajësojnë institucionet që nuk kanë bërë asnjë investim që do ta nxirrte qytetin nga varfëria.
Lavdrim Shehu, përfaqësuesi i Shoqërisë Civile shprehet se për të luftuar varfërinë në Kukës, është e rëndësishme reagimi qytetar, i cili sipas tij mungon pasi moshat e reja kanë emigruar jashtë vendit.
Qarku i Kukësit vijon të jetë më i varfëri në Shqipëri, i ndikuar më së shumti nga mungesa e investimeve të deritanishme si dhe emigrimi masiv.
