Ka përfunduar procesi i rinumërimit të 10 për qind të votave në Qarkun e Shkodrës. Komisioni Qendror i Zgjedhjeve ka përmbyllur këtë proces, që parashikohet nga Kodi Zgjedhor si një tjetër instrument për të shuar pretendimet për rezultatin mes partive.
U hapën 36 kuti votimi dhe në fund të rinumërimit, të katër partive që ndanë 11 mandatet e Shkodrës iu hoqën vota, ndonëse diferenca me rezultatin e 25 prillit është minimale.
Pas verifikimit, Partia Socialiste mori 6 vota, Partia Demokratike katër vota më pak, Partia Socialdemokrate tre vota më pak dhe LSI një votë më pak.
Nëntë kandidatët e tjera që morën pjesë në zgjedhjet e 25 prillit në këtë qark, përfshirë këtu edhe kandidatin e pavarur Pal Shkambi rezultati i 25 prillit dhe rezultati i verifikimit përputhet 100 për qind.
