Grupi hetimor ka zbardhur skemën e tjetërsimit të pronave në Vlorë, në lidhje me të cilën u arrestuan 4 persona.
Gjatë kontrollit të bërë në banesën e ish-kreut të kadastrës së Vlorës Klodian Troci, janë gjetur disa AMTP(certifikatë trualli) bosh, të vulosura dhe të firmosura. Troci, në kohën kur ushtronte dhe detyrën në krye të kadastrës, zbulonte të gjitha tokat të cilat ishin pa pronarë. Këto toka, së bashku me AMTP bosh, dërgoheshin në zyrat e Qarkut, ku firmoseshin dhe njiheshin nga Bardhyl Gjika.
Më pas ishte Gjika, ai i cili bënte dhe ndryshimin në regjistrin nr.6. MË pas, këto certifikata trualli, të cilat ishin të gatshme, iu shiteshin personave të besuar, me një vlerë fillestare prej 300 mijë eurosh. Ky i fundit, më pas i shiste ato tek pronarët e tokave.
Sipas ligjit të pronave në vendin tonë, kur ka një konflikt, prona i shkon personit i cili ka dokumentacionin e rregullt të viteve të fundit. Kjo është dhe arsyeja që tokat i përfitonin pronarët e rinj.
Klodian Troci u arrestua pasditen e djeshme në zonën e Pazarit të Ri, në Tiranë. Ai kishte ndërruar numrin, ku vijonte dhe komunikimin duke u munduar të ndryshonte rrjedhën e ngjarjeve dhe provave që e implikojnë në këtë ngjarje.
Gjykata e Vlorës e la Trocin në burg me akuzën e “Shpërdorim detyre”, por së bashku me të u arrestuan dhe 3 persona të tjerë, ku njëri u la me “Detyrim paraqitje”. Mes të arrestuarve ishte dhe Bardhyl Gjika, drejtor në Drejtorina e Pronave.
