Presidentja e Komisionit Europian, Ursula von der Leyen, tha këtë të hënë se Bashkimi Europian ka shpërndarë më shumë se 1 miliard doza të vaksinave anti-COVID në të gjithë botën në 10 muajt e fundit.
“Vaksinat e prodhuara në BE janë dërguar në më shumë se 150 vende në të gjitha kontinentet- nga Japonia në Turqi, nga Mbretëria e Bashkuar në Zelandën e Re, nga Afrika e Jugut në Brazil. Ne shpërndamë rreth 87 milion doza në vendet më të ardhura të ulëta dhe të mesme përmes COVAX,” tha ajo.
Ajo shtoi se Bashkimi Europian është eksportuesi më i madh i vaksinave COVID-19 dhe se BE ka eksportuar po aq vaksina në botë sa ka shpërndarë për qytetarët e saj. BE ka vaksinuar 75% të popullsisë së saj të rritur.
Së fundi, Ursula von der Leyen theksoi se BE do të dhurojë të paktën 500 milionë doza në muajt e ardhshëm për vendet më të prekura. Ajo shtoi se po përpiqej së bashku me kryeministrin italian Mario Draghi dhe presidentin amerikan Joe Biden për të bashkuar udhëheqësit e G20 në samitin e Romës javën e ardhshme mbi qëllimin ambicioz të mposhtjes së pandemisë globale.
