Pak minuta më parë kanë mbërritur në aeroportin e Rinasit 117 mijë doza vaksine, të llojit Pfizer. Lajmin e ka bërë të ditur ministrja e Shëndetësisë, Ogerta Manastirliu, e cila përmes një postimi në Facebook u bën thirrje qytetarëve që të shkojnë të vaksinohen, sepse vaksinimi falas do të vazhdojë.
“Sapo mbërritën 117,000 doza të vaksinës Pfizer, pjesë e kontratës së dytë prej 500 mijë dozash që do të vijnë brenda vitit. 2,379,960 vaksina kanë mbërritur deri tani, për të vijuar vaksinimin anticovid, për mbrojtjen e jetës dhe shëndetit të qytetarëve. Jemi të vendosur të garantojmë vaksinat #falas për çdo qytetar, deri në fund të përballjes me pandeminë” shkruan ministrja
Nga ana tjetër, kujtojmë se edhe marrja e vaksinave nuk ka kaluar aq lehtë pasi shpesh herë ka hasur kritika nga mjek apo qytetarë,t të cilët thonë se në vendim tonë mbërrijnë vaksina të pacertifikuara. Gjithashtu, edhe opozita ka kritikuar qeverinë se ka hartuar disa nga kontratat për vaksina në shkelje të ligjit dhe me çmime shumë të shtrenjta nga se i marrin vendet e tjera.
