Pas takimeve që ka zhvilluar ditën e sotme me drejtuesit kryesor politik të vendit, zëvendëskryeministrja dhe ministrja e Jashtme e Kosovës, Donika Gërvalla ka zhvilluar një intervistë për mediat në vend.
Shefja e diplomacisë së Kosovës kërkoi krijimin e një aleance ballkanike kundër Serbisë, pasi e cilësoi si kërcënim, jo vetëm për Kosovën, por edhe për disa vende të tjera të Ballkanit.
“Serbia është kërcënim për rajonin jo vetëm për Kosovën. Edhe për Bosnjën. Serbia është shumë agresive ka destabilizuar situatën në Malin e Zi, është një faktor jo stabiliteti dhe duhet të angazhohemi më mirë” tha ajo.
Gërvalla foli edhe pozicionin e Shqipërisë për qasjen e saj ndaj Serbisë. Ajo përmendi se nisma “Open Ballkan” është pika e vetme që ndan palët dhe e cilësoi shinë paralele të Procesit të Berlinit.
