Zëvendëspresidenti i Komisionit Europian, Joseph Borrell ka komentuar Progres-raportin e KE-së për Ballkanin Perëndimor. Me anë të një postimi në Twitter, Borrell shkruan se BE nuk duhet të humbasë më kohë, por duhet të veproje më shpjet për integrimin e vendeve ballkanike.
Sipas tij, BE ka nevojë për Ballkanin aq sa Ballkani ka nevojë për të dhe pa njera-tjetrën ato nuk janë të plota.
“Procesi i Zgjerimit ka nevojë për partnerë për të adresuar reformat themelore, për të forcuar demokracinë, sundimin e ligjit, liritë, ekonominë. Dhe BE-ja duhet të përmbushë angazhimet e saj. BE nuk është e plotë pa Ballkanin Perëndimor. Ne duhet të bashkohemi për të ndërtuar së bashku një Evropë më të fortë”, shkruan ai.
Vetëm pak muaj më parë, Borrel ka thënë në një deklaratë për mediat se BE nuk duhet të vonojë më shumë integrimin e Shqipërisë në BE. Sipas tij, është e gabuar që prej Maqedonisë së Veriut të pengohen procedurat për Shqipërinë.
