Shqipëria regjistron në total mbi 11900 Organizata Jofitimprurëse deri në shtator të këtij viti. Por pavarësisht se këto organizata mbijnë si kërpudhat pas shiut, shoqëria civile është në një pozicion mjaft të dobët sa i përket çështjeve për të cilat duhet të ngrejë zërin e të nxisë reagim qytetar. Duke u ndalur te rasti më i fundit, rritja e çmimeve, kemi parë një numër jo shumë të lartë qytetarësh dhe aktivistësh të protestojnë.
Nuk kemi parë organizata të reagojnë për faktin që pjesa më e madhe e familjeve shqiptare harxhojnë gjysmën e rrogës për ushqime.
Të dhënat e publikuara nga Drejtoria e Tatimeve bëjnë me dije se, se mbi 1000 organizata të reja janë regjistruar në 2021. Ndërsa parashikohet se numri mund të jetë më i lartë pasi aktivistja pranë “Partner Albania” Juli Hoxha, ka deklaruar gjatë një interviste televizive se, se në Gjykatë janë të regjistruara 11900 organizata, por vetëm 40% e këtyre janë të regjistruara në drejtorinë e tatimeve. Kjo do të thotë se më shumë se gjysma e organizatave të regjistruara janë pasive.
Në këto kushtet, aktivizmi i organizatave në vendin tonë është fryrë vetëm në shifra por nuk rezultojnë efektive në shoqëri, pasi me këtë numër organizatash që rezulton se janë të regjistruara në vendin tonë, presioni për të drejtat e qytetarëve do të ishte shumë i lartë, nga çfarë është aktualisht.
Aktivistja Edlira Çepani tha se kohët e fundit një pjesë e mirë e donatorëve të huaj nuk po investojnë në Shqipëri por janë zhvendosur në vende ku ka më shumë nevojë, të tilla si Afrika. Një nga sfidat e shoqërisë civile ajo nënvizoi se është presioni nga shteti.
Ndërsa në Shqipëri, problematika me shoqërinë civile vijnë nga aspekte të ndryshme, një aspekt është shteti në mënyra të ndryshme. Prandaj, jo në pak raste OJF-të shqiptare janë cilësuar si jo-ekzistente dhe pa asnjë kontribut në shoqërinë civile
