Deputeti i Partisë Demokratike, Oerd Bylykbashi tha se zgjedhjet e fundit nuk ishin të lira dhe të ndershme. Ai akuzoi SPAK se nuk goditi shit-blerjen e votës, ndërkohë që kjo ishte një ndër garancitë për mbarëvajtjen e zgjedhjeve të 25 prillit.
“Çfarë kemi tek ky raport por për fat të keq të përsëritur, shkeljen e një numri standardesh themelore ose angazhimesh themelore të OSBE-së. Ky raport flet për:
1. Cënim të së drejtës për votim të fshehtë dhe të lirë.
2. Për abuzim masiv me burimet shtetërore.
3. Për kontroll mbi zgjedhësit nëpërmjet kontrollit
4. Përdorimin e administratës shtetërore etj.
Problem prioritar prej 3 palë zgjedhjesh është, shit-blerja e votës dhe fakti që nuk kemi dënim. Ajo që të gjithë kërkojnë, shqiptarët së pari dhe angazhimet tona ndërkombëtare për zgjedhjet e lira dhe të ndershme, këto zgjedhje nuk ishin as të lira, as të ndershme. Zgjedhjet nuk ishin të ndershme. Korniza duhet të jetë e gjithë pranuar. Çfarë ndodhi? Më pas asaj që prodhoi marrëveshja e 5 qershorit, që ashtu siç ishte, ishte e pamjaftueshme. Kemi ndryshime të sistemit zgjedhor në mënyrë të njëanshme. Për rrjedhojë vetëm të lira dhe të ndershme nuk ishin ato zgjedhje. 2021 është rikonfirmin. Në 2009 zgjedhjet arritën shumicën standarde, në 2013 arritëm ne. Kemi ndërhyrje të shtetit në sistemin zgjedhor. Këto zgjedhje janë prova që administrata publike është e politizuar. Kemi shitblerjen e votës përballa asaj që me reformë zgjedhore në letër shtuam garancitë për të goditur këto. SPAK-u nuk e bëri”, u shpreh ai.
Edhe deputetja tjetër demokrate Albana Vokshi theksoi se vota nuk ishte e lirë me 25 prill.
“Bazuar në raportet, vota nuk ishte e lirë. Pse? Sepse u përfshi krimi i organizuar, paratë e korrupsionit, vota u shantazhua. Ne nuk kishim përballë forcën politike, kishim patronazhistët, qytetarët ishin vulnerabël. Çdo qytetar shqiptar ishte vulnerabël, edhe sot çdo familje është e tillë para bandave, para kompanive. Mendoni pak po të kishin dalë të dhënat personale në Italia apo në një tjetër vend të Evropës. Do kishte rënë shteti, do ishte rrëzuar. Ndaj kjo skemë duhet shkatërruar, të hetohet çdo person që ka qenë i përfshirë”, u shpreh ajo.
Në të njejtën linjë, demokratët argumentuan të gjitha shkeljet e hasuara gjatë procesit zgjedhor duke nënvizuar faktin se SPAK nuk veproi për të ndëshkuar krimin zgjedhor.
Oerd Bylykbashi në Këshillin e Integrimit: Në zgjedhjet e 25 prillit partia-shtet ndërhyri në mënyrë kapilare në proçesin zgjedhor. SPAK nuk parandaloi dhe as e goditi shit-blerjen e votës.
