Ditën e sotme do të rikthehen ndeshjet e Europa League pas përfundimit të raundit të tretë të fazës së grupeve në Champions mbrëmjen e së mërkurës.
Plot 14 sfida shumë interesante do të zhvillohen sot, ku në disa prej tyre do të kemi edhe praninë e lojtarëve shqiptarë.
Gjashtë nga këto sfida janë planifikuar që të zhvillohen në orën 18:45, teksa pjesa tjetër do të fillojë në orën 21:00 të mbrëmjes.
Lazio i Thomas Strakoshës, Elseid Hysajt dhe Vedat Muriqit do të ketë përballë ekipin francez të Marseilles, megjithëse nuk dihet a do jenë në formacion yjet tanë.
Sfida më interësante për tifozët shqiptarë pritet të jetë ajo midis Napolit dhe Legias ose konsideruar ndryshe si derbi i shqiptarëve në këtë mbrëmje të Europa League.
Amir Rrahmani do të ketë përballë skuadrën e Lirim Kastratit, Ernest Muçit dhe Jurgen Çelhakës, e teksa roli i titullarit për lojtarin e Kombëtares së Kosovës është i sigurt, për Kastratin dhe yjet e përfaqësueses ‘Shpresa’ nuk dihet ende nëse do jenë në formacion.
Një tjetër shqiptar që pritet të zbresë që nga minuta e parë me skuadrën e tij është Xherdan Shaqiri. Lyon do të përballet në transfertë me Sparta Prague dhe Shaqiri e ka treguar se është një lojtar vendimtar te francezët.
Të gjitha ndeshjet e Europa Legue që janë planifikuar për sot:/K.T/Gijotina.com
