Një ngjarje e pakëndshme i ka ndodhur Cristiano Ronaldos mbrëmjen e së mërkurës në ndeshjen e Champions Leagua kundër Atalantës.
Kjo ndeshje u mbyll me rezultatin 3-2 për ‘Djajtë e Kuq’, teksa portugezi u fut në fushë në pjesën e dytë dhe shënoi golin e fundit dhe të fitores.
Ai realizoi në minutën e 81 të ndeshjes, moment kur takimi vazhdonte të ishte me rezultatin 2-2, dhe pasi shënoi një tifoz u fut në fushë dhe e tërhoqi nga fanella, duke tentuar t’ia marrë.
Sigurimi i ndeshjes e ndaluan dhe një prej tyre u rrëzua në përpjekje për të kapur tifozin, moment që u bë shumë viral në rrjetet sociale.
Pjesa e parë e kësaj sfide u mbyll me avantazhin e miqve që shënuan në minutën e 15 me Mario Pasalic dhe në minutën e 29 me Merih Demiral.
Golat për United u shënuan nga Marcus Rashford në minutën e 53-ë dhe më pas Harry Maguire barazoi shifrat në minutën e 75, teksa fitorja u dha nga Ronaldo, i cili u fut nga stoli./K.T/Gijotina.com
