Në Komisionin e Ligjeve është prezantuar projektligji për transformimin e Shërbimit për Çështjet e Brendshme dhe Ankesat (SHÇBA), strukturë e cila heton Policinë e Shtetit. Struktura e re do të quhet Agjencia e Mbikqyrjes Policore dhe do të ketë kompetenca dhe detyra të reja. Subjekte që do të hetohen nga agjencia do të jenë edhe Garda e Republikës edhe Shërbimi Zjarrfikës. Por Policia e Shtetit ngelet edhe struktura më e madhe, dhe me impaktin më të madh në radhët e komunitetit.
Gjatë fjalës së tij Çuçi tha se nga inspektimet e bërë nga SHÇBA në Policinë e Shtetit ka evidentuar problem që kërkojnë përfshirjen e sektorit të certifikimit. Ministri theksoi se struktrura e re do të hetojë shkeljet e rënda.
“Disa nga problematikat shqetësuese që lidhen me procesin e pajisjes me certifikatë është se nuk ndiqen afatet e pajisjes me certifikatë dhe krijohen periudha të pambuluara. Po ashtu subjektet e agjencisë nuk kanë krijuar një databazë për të kontrolluar punonjësit që nuk janë pajisur me certifikatë apo që u ka mbaruar afati”, u shpreh ministri.
