Mbyllja e kualifikueseve të muajit tetor ka ndryshuar sërish renditjen e kombëtareve nga FIFA. ‘Kuqezinjtë’ e udhëhequr nga trajneri Edoardo Reja ka fituar plot 3 pozicione në renditje, duke u ngritur dhe tashmë ndodhet në venin e 63, nga i 66-i që ishte në shtator.
Takimet e fundit, ku më pozitivët ishin me Hungarinë dhe San Marinon, e kanë ndihmuar shumë përfaqësuesen tonë në këtë tabelë.
Ndërsa Kosova nga ana tjetër vazhdon pikiatën, duke humbur plot 4 vende në këtë renditje. Nga pozicioni i 109 ka zbritur në pozicionin 113, dhe kjo rënie ka ardhur si pasojë e paraqitjeve negative që përfaqësuesja e “dardane” ka pasur gjatë muajve shtator dhe tetor.
Ndërsa në top 10-hen e kësaj renditjeje janë Belgjika në vend të parë, Brazili është kombëtarja e dytë, vendi i tretë i takon Francës, në të katërtin është Italia, në të pestin Anglia, dhe në të gjashtin Argjentina.
Spanja është e pozicionuar në vendin e shtatë, pas saj vjen Portugalia, në të nëntin është Meksika dhe në vend të 10 ndodhet Danimarka./K.T./Gijotina.com
