Paul Pogba ka dhënë mesazhe të qarta në lidhje me qëndrimin e tij te Manchester United në të ardhmen.
Deklarata e fundit e bërë nga francezi lë të kuptohet se ai ka vendosur që të qëndrojë te ‘Djajtë e kuq’.
“Nëse qëndroj te United? Po, po argëtohem këtu”,- u shpreh lojtari pas ndeshjes së Champions League kundër Atalantës, e cila u fitua nga anglezët me rezultatin 3-2.
Kontrata e mesfushorit me United mbaron në fund të këtij sezoni, teksa duket se ish-ylli i Juventus dëshiron që të vazhdojë qëndrimin.
Lojtari që hyri nga stoli në ndeshjen me Atalantën, kontribuo në fitoren në ndeshjen e kësaj të mërkure në mbrëmje, teksa golin e fundit e shënoi Ronaldo.
“Cristiano është Cristiano dhe ai shënoi një gol në mënyrën e tij, si kundër Villarreal. Ishte një “dejà vu”. Po flasim për një lojtar që të gjithë e njohin, një kampion të klasit botëror. Çfarë mund të thuhet për të? Ne vetëm mund të respektojmë atë.”-tha Pogba./K.T/Gijotina.com
