Vllaznia do të përballet me Kukësin për javën e gjashtë të Superligës në orën 13:45 ditën e dielë në stadiumin Arena Egnatia’.
Kjo ndeshje do të zhvillohet në Rrogozhinë për shkak se stadiumi i Verilindorëve nuk është ende gati, ndërsa në ‘Elbasan Arena’ po ndryshohet fusha.
Përpara kësaj sfide të rëndësishme shkodranët kanë marrë një lajm shumë të mirë, atë të rikthimit të katër lojtarëve, dy prej të cilëve ishin të dëmtuar.
Da Silva dhe Bulatoviç kanë lënë pas problemet me lëndimet, për t’u bashkuar me pjesën tjetër të grupit.
Ndërsa Adili i cili ishte i pezulluar në ndeshjen e kaluar për shkak të kartonit të kuq do të rikthehet, me Heriç që po ashtu i bashkohet grupit, pasi nuk ka shfaqur asnjë problem nga ndeshja e fundit kundër Dinamos./K.T/Gijotina.com
