Lajmet e këqija nuk paskan të mbaruar për Partizanin, i cili do duhet të luajë me mungesa të theksuara në derbin me Tiranën.
Braziliani titullar, Cardoso ka marrë një dëmtim të rëndë në klavikul dhe si pasojë do duhet disa muaj derisa ai të rikthehet në fushë.
Teksa pak ditë para supersfidës me Tiranën, ‘Të kuqtë’ e kryeqytetit kanë marrë edhe lajmin e mungesës së ish-lojtarit të Kombëtares, Ergys Kaçes, i cili për shkak të lëndimit të marrë nuk do mund të jetë në këtë ndeshje.
Në pikëpyetje është edhe pjesëmarrja në këtë takim e Tedi Carës, që po ashtu u lëndua gjatë ndeshjes së fundit, atë me Kukësin.
Në një situatë ku prej pesë javësh vuajnë mungesën e një fitoreje dhe përballë një kundërshtari që është shumë i fuqishëm dhe renditet në krye të tabelës së Superligës, kjo ndeshje ka për të qenë shumë e vështirë për ‘Demat’ me kaq mungesa të rëndësishme.
Derbi do të luhet këtë të hënë në orën 19:45 në stadiumin ‘Air Albania’ dhe është e vlefshme për javën e gjashtë të kampionatit të Superligës./K.T/Gijotina.com
