Galatasaray fitoi në transfertë me rezultatin 0-1 ndaj Lokomotiva Moskës në ndeshjen e raundit të tretë të fazës së grupeve në Europa League.
Tashmë klubi turk qëndron në krye të Grupit E me shtatë pikë një rezultat i pëlqyeshëm duke ditur kundërshtarët.
Megjithatë vëmendje më të madhe ka tërhequr një gafë e ndodhur para fillimit të kësaj sfide, i bërë nga organizatorët.
Në momentin që do shfaqej formacioni i Galatasarayt është bërë një ngatërresë amatoreske me lojtarët.
Aty u vendos lista me emrat e ekipit të Bayern Munich, duke filluar nga Neuer, ndërsa vetëm emri i skuadrës dhe i trajnerit Fatih Terim ishin në rregull.
Ai formacion qëndroi për disa minuta, duke shkaktuar të qeshura dhe duke u bërë shumë viral në rrjetet sociale, ku komentetet ishin nga më komiket./K.T/Gijotina.com
