Ka nisur takimi mes kryeministrit Edi Rama, ministres së Turizmit dhe Mjedisit, kryetarëve të bashkive në të gjithë vendin dhe prefektëve Në këtë takim po diskutohet në lidhje me pastrimin e mjedisit dhe mbi menaxhimin e mbetjeve urbane.
Rama tha se ka ardhur momenti për t’i dhënë goditjen e fundit vendgrumbullimeve të paligjshme të plehrave, keqfinancimit të pastrimit nga shumë njësi vendore.
“Kryeministria Koha për t’i dhënë goditjen e fundit vendgrumbullimeve të paligjshme të plehrave, keqfinancimit të pastrimit nga shumë njësi vendore, papastërtisë në rrugët kombëtare, zonat rurale të bashkive, në bregdet dhe në zona me rëndësi të veçantë historike e turistike“- tha Rama.
Gjithashtu, Kumbaro tha se duhet të bëhet më shumë punë për pastrimin e mbetjeve dhe mjedisit, dhe se që sot duhet të nisë puna për sezonin e ardhshëm turistik. Sipas saj shumë punë është bërë, por shumë punë të tjera mbeten përpara.
“Ku jemi sot me pastrimin e mjedisit ku jetojmë, është detyra jonë që ti administrojmë, e vetmja mënyrë që nuk e shpikim ne rrotën, për ti përballuar dhe menaxhuar është duke i trajtuar ato dhe duke i ricikluar. Nëse vazhdojmë pa këto parime do të jenë më të mëdhaja se komuniteti që jeton. Mjafton të sjellim në vëmendje, dhe harrojmë se si e morëm situatën në territor 8 vite më parë.
Me të dhënat e INSTAT në 2013 rreth 50% e mbetjeve hidheshin në kosha, ndërohë që pjesa tjetër hidhej ku të mundej. Nga 15% që hidheshin në kosh vetëm 16% e tyre organizoheshin për tu çuar në vendgrumbullimin e mbetjeve.
Pastrimi i territorit nuk është vetëm merr nga koshat dhe hidhi diku, landfillet apo inceneratorët janë mbetja. Ka pasur vetëm dy pika fundore, sot kemi 6 impiante trajtimi. Është një territor i ndarë në 7 zona, janë 6 impiante që mbulojnë 74% të mbetjeve që prodhohen. Trashëguam një situatë kaotike, kemi mbetje që i trashëgojmë nga përpara viteve 90, reforma territoriale na tregoi se çfarë masakre ishte bërë me mospasrtimin e mbetjeve nga komunat.
Pa folur që për sa herë fryheshin lumenjtë dhe përrenjtë, mbetjet përfundonin në det. Kjo temë nuk ka qenë ndonjëherë pjesë e debateve publike” – tha ministrja Kumbaro.
Në këtë takim mungon kryebashkiakja e Shkodrës, Voltana Ademi por pjesëmarrëse është prefektja Angoni.
