Deputetët e Partisë Socialiste janë larguar nga mbledhja e Komisionit Hetimor për zgjedhjet e 25 prillit. Për pasojë nuk është miratuar rregullorja e komisionit. Kjo situatë përsëritet për herë për herë të dytë, pasi edhe në mbledhjen e kaluar anëtarët e mazhoramcës nuk u paraqiten fare në komision me justifikimin se nuk u njoftuan.
Ndërsa ditën e sotme pas debateve të forta është larguar i pari Nasip Naço më pas edhe të tjerët. Kjo mbledhje nisi që në minutat e para mes socialistëve dhe demokratëve, në lidhje me përcaktimin e rendit të ditës dhe gjithë mbledhja vazhdoi në debate, duke bërë që të ndërpritet në mes pak minuta më parë nga socialistët.
Gjatë komisionit deputetja Blerina Gjylameti me kryetarin, e cila u shpreh se kryeministri Edi Rama ka qenë prezent në komision disa herë, ndërkohë që e kundërta ka ndodhur me kryedemokratin Lulzim Basha. Sipas, Gjylametit Basha nuk paraqitet asnjëherë në komision, duke u justifikuar me raporte se është i sëmurë nga barku.
“Kryetari i Komisionit nuk duhet të vazhdojë të theksojë postin që mban në këtë mbledhje se nuk bëhesh kryetar duke vazhduar ta thuash në këtë mënyrë. Ju nuk dini të drejtoni. Zoti Rama ka qenë në këtë komision që kur ka qenë kryetar bashkie dhe ka ardhur pa pasur nevojë. Zoti Basha kurrë nuk ka qenë në komision kur është thirrur për asgjë. E justifikonte me ca raporte im bir që është 13 vjeç do i vinte shumë zor të justifikohej. Në raporte thuhej se kishte dhimbje barku një herë kishte probleme që ishte sëmurë, një herë… raportet që ka përdorur nga mjekët për të mos vajtur kurrë kur është thirrur janë qesharake dhe për një fëmijë 12-vjeçar”, u shpreh Gjylameti.
Ndërkohë, njoftohet se, data e mbledhje së ardhshme do të bëhet ditën e mërkurë datë 27 tetor, ora 11 paradite.
