Leonardo Bonucci dhe Giorgio Chiellini kanë bërë deklarata të ashpra ndaj Cristiano Ronaldos dhe ‘Tuttosport’ shpjegon se kjo ka të bëjë me sjelljen e CR7 brenda dhomës së zhveshjes dhe në fushë.
Të dy veteranët e Juventusit kanë diskutuar së fundmi se çfarë shkoi keq për Ronaldon në Juventus.
“Ronaldo u largua më 28 gusht dhe sigurisht që do të ishte më mirë nëse ai do të kishte shkuar më herët në mënyrë që ne të përgatiteshim. Fatkeqësisht, ne paguam një çmim për këtë”, tha Chiellini për DAZN.
Vetëm disa javë më parë, Bonucci kishte bërë deklarata të ngjashme, duke shtuar se kalimi i Ronaldos në Juventus gjithashtu kishte pasur një ndikim të keq në ekip.
“Prania e Cristianos kishte një ndikim të madh tek ne. Thjesht stërvitja me të na dha diçka shtesë, por në mënyrë të pandërgjegjshme lojtarët filluan të mendojnë se vetëm prania e tij ishte e mjaftueshme për të fituar ndeshjet. Filloi të na mungojë puna e përditshme, përulësia, sakrifica, dëshira për të qenë pranë shokut të skuadrës ditë pas dite. Gjatë viteve të fundit, unë mendoj se ju mund ta shihni këtë.”-tha ai për The Athletic.
Edhe pse asi portugez shënoi 101 gola në 134 ndeshje me ‘Bardhezinjtë’, ‘Tuttosport’ raporton sjellja e tij në dhomën e zhveshjes dhe në fushë nuk u pëlqye shumë nga disa nga shokët e tij të skuadrës.
Ronaldo nuk u përshtat kurrë me frymën e ekipit, madje thuhet ‘shkatërroi’ rregullat brenda dhomës së zhveshjes së Juventusit, të cilat përbëhen nga barazia, uniteti dhe përulësia.
Lojtarët mendonin se ligji nuk ishte i njëjtë për të gjithë, gjë që preku ekipin brenda dhe jashtë fushës./K.T/Gijotina.com
