Rama vjedh lekët e shqiptarëve e nuk po merret aspak me pastrimin e mbetjeve në vendin tonë. Gazment Bardhi ka reaguar pas përfundimit të mbledhjes që kryeministri Rama zhvilloi me kryebashkiakët e vendit. Nëpërmjet një postimi në “Facebook”, ai ka pohuar se kryeministri në këto 8 vite, ka vjedhur lekët e shqiptarëve nëpërmjet inceneratorëve të ndërtuar. Institucionet për përpunimin e mbetjeve, janë në dorë të Ramës, i cili ka caktuar si drejtues përfaqësuesit e tij. Ndër të tjera, Bardhi pohon se fillimisht duhet të pastrohet politika, pasi politikanët janë të lidhur me krimin.
“I vetmi kontribut tetëvjeçar i Ramës për pastrimin e mbetjeve, është ndërtimi i inceneratorëve për t’u vjedhur paratë shqiptarëve…
Pa pastruar politikën nuk mund të pastrohet territori”, shkruan demokrati.
Gjatë mbledhjes u fol për problemet me mbetjet, ku një numër i madh qytetesh vuajnë prej tyre. Ato qytete janë bërë të paqëndrueshme, për shkak të aromës së rëndë dhe pamjes së shëmtuar që ofrojnë, e për kryeministrin fajin e kanë kryetarët e bashkive.
