Ambientet dhe shërbimet që ofrojnë spitalet në vendin tonë nuk kanë njohur përmirësime në 4 vitet e fundit, por kostot kamë ndjekur trend rritës. Pra çdo vit qytetarët përballen me kosto marramendëse për shërbimet shëndetësore, kur në fakt ato shërbime nuk ofrohen në cilësinë e duhur. Siç duke kjo është dhe një nga arsyet që në raportin e FMN, Shqipëria kategorizohej në vendin me vdekshmëri të lartë në europë dhe jo vetëm për shkak të koronavirusit, por edhe për shkak të shërbimeve të dobëta.
Të dhënat e publikuara, tregojnë se për periudhën 2017-2020 në vend nuk është shtuar apo përmirësuar asnjë qendër shëndetësore, pavarësisht se në vitin që lamë pas u premtuan. Më keq akoma, ambulancat janë pakësuar në 2020 në raport me 2019, edhe pse qeveria mori ndihma nga Banka Botërore për të shtuar numrin e ambulancave dhe paisjeve të tjera mjekësorë gjatë pandemisë. Atëherë, ku shkuan këto para, ku janë ambulancat që premtoi qeveria në fillim të 2020? Ku është shëndetësia falas? Askund. Çdo premtim për përmirësim të shërbimeve, shtimit të ambulancave dhe qendrave shëndetësore mbeten propagandë në letër, që nuk kanë për t’u vënë në praktikë.
“Për vitin 2020, kemi 413 qendra shëndetësore në total dhe 46 poliklinika në të gjithë vendin, numër i cili nuk ka ndryshuar që prej vitit 2016. Ndërsa, numri i ambulancave për periudhën në fjalë është 2037, apo 22 ambulanca më pak krahasuar me vitin 2019”, thuhet në raport.
Nga ana tjetër, kostot për qytetarët rriten çdo vit. Në këto të dhëna evidentohet se fatura më e lartë paguhet në spitalin e traumës me gati 100 mijë lekë, më pas renditen spitalet rajonale dhe universitare. “Sa i përket kostove spitalore, në vitin 2020, kosto mesatare për një të shtruar është në spitalin e Traumës përllogaritet 99,050 Lekë. Ky është institucioni me kosto mesatare më të lartë. Ndërkohë, për të shtruar në një spital të nivelit Rajonal kosto mesatare është mesatarisht 82 700 Lekë, ndjekur nga spitali Universitar ku kostoja mesatare spitalore e një të shtruari është 61,030”, thuhet në raport.
Shumat e lartpërmendura janë për 2020 dhe po t’i krahasosh me 2019 duket qartë që kanë pësuar rritje të ndjeshëm. Për shembull gjatë 2020 faturat në Spitalin e Traumës shkonte në gati 55,000 lekë, pra 50.000 lekë më pak se 2020. Ndërsa në spitalet rajonale fatura shkon mbi 82 mijë lekë, ndërsa në 2019 ishin 50,000 lekë.
Pra në Shqipëri jo vetëm që nuk ka shëndetësi falas, por ofrojmë shërbimin më të keqe me kosto që fryhen çdo vit.
