Seanca në Apel për ish-Kreun e RTSH, Thoma Gëllçi, i arrestuar për abuzim me detyrën është caktuar në 29 nëntor.
Kujtojmë që disa ditë më parë avokati mbrojtës i ish-drejtorit të përgjithshëm të RTSH-së, Thoma Gëllçi, Dorian Matlija ka apeluar vendimin e gjykatës për vendosjen ndaj tij masën e sigurisë “Arrest me burg”.
Sipas tij, masa ndaj Gëllçit është në kundërshtim me ligjin, pasi pretendohet se Gëllçi nuk është i përfshirë në tenderin e RTSH AGRO.
Por një tjetër pretendim është se vepra penale për të cilën ai akuzohet nuk është kompetente Gjykata e Posaçme.
Ish-drejtori i RTSH-së, Thoma Gëllçi u arrestua të premten e kaluar, me akuzën e shpërdorimit të detyrës. Sipas SPAK, Gëllçi ka shpallur procedurën e tenderit përpara se të merrte miratimin nga AMA dhe Bordi për hapjen e kanalit TVSH AGRO.
