Trajneri i skuadrës së Vllaznisë Tomas Bërdariç në një intervistë për mediat gjermane ka theksuar se këtë sezon shkodranët do të jenë më pranë titullit në Superligë.
“Vllaznia është një klub me traditë të madhe në Shqipëri, ashtu si tri ekipet nga Tirana. Klubi ka luftuar në vitet e fundit për të shkuar sërish në majë të futbollit shqiptar. Kështu që më kontaktuan duke më pyetur nëse do të kisha dëshirë të isha pjesë e projektit të ringritjes së klubit.
Ideja ishte interesante për mua dhe prej 15 muajsh ndodhem këtu. Në sezonin e kaluar ishim pranë titullit duke e humbur atë vetëm për çështje golash, por më pas fituam Kupën e Shqipërisë. Këtë sezon duam ta ndryshojmë këtë gjë”, theksoi Bërdariç.
