Vetëm pak ditë pasi ka marrë detyrën, drejtori i ri i Policisë së Shtetit, Gledis Nano ka zhvilluar një takim prezantimi me kreun i SPAK, Arben Kraja.
Burime nga prokuroria bëjnë me dije se kreu i policisë së Shtetit është njohur me dosjet e krimit dhe të korrupsionit, megjithëse nuk përjashtohet mundësia e një aksioni të ri policor për goditjen e të korruptuarve.
Takimi është zhvilluar paraditen e së shtunës, ku Gledis Nano ka qëndruar për afro 30 minuta në zyrën e Krajës.
Ky takim vjen pas një operacioni të zhvilluar nga SPAK në bashkëpunim me policinë e Shtetit, ku u proceduan edhe disa efektive policie, të cilët kishin lejuar kultivimin e kanabisit dhe dekonspiruar aksionet e policisë.
Në procesin e vettingut Gledis Nano doli “i pastër”, biografia e tij nuk është në përputhje me ligjin. Sipas një vendimi të Komisionit të Jashtëm të Vlerësimit janë zbardhur disa momente të errëta nga e kaluara e tij.
Nano rezulton se ka shitur një makinë tip Benz Mercedes Classe B 200 luksoze me trefishin e çmimit të blerjes në 2016.
-Ndërroi mbiemrin për të fshehur lidhjet me të inkriminuarit
Ky fakt ka kaluar pa u vënë re në Vetting edhe nga institucionet ligjvënëse. Sipas vendimit në vitin, në 2010 drejtoria e përgjithshme e Policisë së Shtetit ka konstatuar se Gledis Nano kishte kontakte me persona me precedent penal dhe për këtë arsye ka hartuar një rekurs për shkarkimin e tij nga detyra. Por ky i fundit ka bërë një padi ndaj Drejtorisë së Përgjithshme të Policisë në Gjykatën e Apelit, e cila e ka favorizuar këtë të fundit duke i dhënë të drejtë. Por pas këtij vendimi, Drejtoria e Policisë ka dërguar një tjetër rekurs në Gjykatën e Lartë për të prishur vendimin e Gjykatës së Apelit.
Në vendim Nano, rezulton se ka ndërruar edhe mbiemrin, çka ngre dyshime më të forta se kontakti i tij me personin me precedent penal nuk ka qenë i rastësishëm. Kjo përfshirje me “kriminelin” e ka detyruar Gledisin që nga Nana të ndryshoje mbiemrin në Nano.
