Trajneri i Laçit Sero Noka debutoi me fitore në përballjen ndaj Kastriotit por në kampin e kurbinasve kanë planifikuar të firmosin me trajnerin e mirënjohur Mirel Josa. Aktualisht Josa nuk është nën kontratë me asnjë skuadër dhe i gatshëm për të marrë drejtimin e klubit të madh shqiptar që ka ambicie për të shkuar sa më larg këtë edicion.
Mësohet se shumë shpejt do të vijë edhe zyrtarizimi pasi drejtuesit e Laçit kanë arritur akordin paraprak me trajnerin. Skuadra e fundit që Josa ka drejtuar është Kukësi edicionin e kaluar. Mirel Josa ka drejtuar shumë skuadra të njohura në futbollin shqiptar teksa tashmë pritet të jetë radha e kurbinasve.
