Polica e Fierit ka vënë sot në pranga 7 persona, pasi kishin mbjellë bimë kanabis në mes të tokave me misër. Mësohet se bimët janë spikatur gjatë një kontrolli të ushtruar në fshatin Hamil në stallën në pronësi të personit me inicialet A. H., ku janë gjetur dhe sekuestruar 60.4 kg kanabis.
Pas kontrolleve më të imtësishme, policia arrestoi A. H., 42 vjeç, Z. K., 36 vjeç, A. K., 24 vjeçe, F. K., 38 vjeçe, H. K., 60 vjeçe dhe F. K., 34 vjeçe, banues në fshatin Baltëz, të cilët u kapën duke kryer procesin e tharjes së bimëve narkotike. Gjithashtu u procedua penalisht për veprën penale “Moskallëzimi i krimit”, kryeplaku i fshatit Hamil, shtetasi S. H., 56 vjeç.
Sakaq, bëhet me dije se materialet procedurale i kaluan Prokurorisë pranë Gjykatës së Shkallës së parë Fier për veprime të mëtejshme. Ndërsa të arrestuarit po merren në pyetje për të zbardhur më shumë detaje nga rrejti i tyre.
