Skuadra e Partizanit është duke vuajtur tashmë prej pesë javësh për një fitore. Ekipi që gjatë merkatos së verës u mendua se do të ishte nga më të rrezikshmit e këtij sezoni, në fakt deri më tani ka rezultuar një dështim i vërtetë.
‘Të kuqtë’ e kanë nisur mbrapsht kampionatin 2021-2022 dhe aktualisht renditet në vend të tetë me katër pikë, pra që i bie në pesë ndeshje kanë marrë katër barazime dhe një humbje. Ndërsa në të gjitha kampionatet kanë fituar vetëm një ndeshje në Kupën e Shqipërisë, atë kundër Tërbunit në transfertë me rezultatin 0-3.
Mësohet se kjo gjendje e ekipit ka si justifikim vetëm pakënaqësitë e një pjese prej lojtarëve ndaj trajnerit Ilir Daja.
Pavarësisht këtyre pakënaqësive, që po ndikojnë shumë në rezultatet e ‘Demave’ drejtuesit e klubit kanë thënë se fundmi që i besojnë teknikut.
Mësohet se ata nuk e duan teknikun dhe kjo gjë është duke u reflektuar çdo javë e më shumë edhe në fushën e lojës.
Ndërsa ditën e sotme do të luhet derbi Tirana-Partizani dhe do të shihet nëse lojtarët do ta ‘rrëzojnë në greminë’ trajnerin apo do të bëjnë një kthesë për mirë në rezultatet e tyre.
