Kryetari i Bashkisë së Tiranës, Erion Veliaj ka patur njëjtakim me përfaqësues të transportit publik, pas kaosit që është shkaktuar në kryeqytet me vendimin e operatorëve për të përgjysmuar flotën e urbanëve, sepse ishin në një gjendje të vështirë ekonomike. Kujtojmë se një javë më parë Shoqata e Trasportit Publik njoftoi se të punojnë me gjysmën e numrit të austobusëve, gjë e cila krijoi kaos të vërtetë dhe rëndoi mbi qytetarët. Në ata deklaratë, përfaqësuesit e transportit publik thanë se dolën në këtë përfundim për shkak se qeveria nuk iu ka dhënë mbështetjen që iu premtoi kur filluan punë pas hapjes së pandemisë.
Ndërkohë ditën e sotme Veliaj ka tentuar t’i qetësojë me një sërë premtimesh që në kaq vite nuk janë mbajtur, propagandë e përsëritur në çdo vit. Veliaj tha se, do merren disa veprime për të zgjidhur këtë ngërç me qëllim që qytetarët të mos ndikoheshin kaq shumë nga vendimet e marra nga përfaqësuesit e transportit publik. Ai shtoi se do të rishikohet mundësia e rimbursimit të akcizës, TVSH-së dhe gjithashtu edhe fondi prej 1 milion eurosh për të bërë të mundur subvencionimin e operatorëve.
“Ju keni kërkuar edhe rimbursimet që ju keni kërkuar për personat me aftësi të kufizuara, studentët etj. Edhe pse ligji thotë që ka kategrori që subvencionohen por ne nuk e kemi marrë këtë faturë. Por gjithsesi do të kemi një numër konkret të personave që e kanë përfituar këtë shërbim dhe ju të merrni atë çfarë ju takon. Gjëja tjetër që dua të them meqë përmenda kategroitë sociale, fakti që ne nuk kemi kontestuar diçka të tillë nuk do të thotë që nuk na intereson. Kur shoh që përzihet nga urbani një veteran luftë është turp dhe fyerje. Ne si fillim jemi shqiptarë. Bashkia e Tiranës do ofrojë një fond prej 1 milion eurosh si një fillim i ri”, tha ai.
Ndërsa për shitjen e aboneve në mënyrë informale, Veliaj tha se faj kanë edhe vetë operatorët e transportit, pasi ata i shpërndajnë dhe prishin konkurrencën. “Shiten abone dhe bone thesari shkëmbehen kesh me zinxhira florir tek Banka e Shqipërisë. Kjo është për turp. Po kush ja jep këto atij personit? Sigurisht që operatorët. Unë them që teknologjia me GPS, barkodet për abonetë duhet të jenë pjesë e diskutimeve. Ndryshe ne do të hedhim vetëm para dhe nuk do kemi zgjidhur thelbin e kësaj plage”, tha ai.
Kryebashkiaku tha se kushti i vetëm ishte që urbanët duke filluar që tani e tutje të përdornin GPS, në mënyrë që të bëhej i mundur identifikimi i kilometrave të kryera dhe gjithashtu të futeshin barkode të caktuara në mënyrë që mos të shiteshin më abone të falsifikuara.
“Do bëjmë kompensime por cilësinë dhe trasparencën. Nuk janë paratë e mia se po të ishin të miat do ua falja, por janë para të publikut. Pra kapacitet për kilometër, cili autobuz shkoi ku. Sigurisht jam gati të rishikoj prapë buxhetin nëse kjo nuk mjafton. Por sigurisht që do të monitorohen nga GPS. Dua t’ju them që paketa që kemi për të miratuar, ka të bëjë edhe me përdorimin e korsive të miratuara”, tha ai.
Nga ana e tyre përfaqësuesit e transportit publik janë shprehur të vendosur se nuk fillojnë plotësisht punën, pa iu plotësuar kushtet e tyre.
