Duke filluar nga ky vit do të zhvillohet për herë të parë edicioni për trofeun ‘Maradona’. Ky event do të mbahet në Arabinë Saudite në nder të legjendës së futbollit botëror që ndërroi jetë një vit më parë.
Skuadra e Barcelonës publikoi lajmin në faqen zyrtare. Do të luhet vetëm një ndeshje midis katalanasve dhe skuadrës së Boka Xhuniors, dy skuadrat ku Maradona kaloi pjesën më të madhe të karrierës së tij.
Diego Armando Maradona vdiq në moshën 60-vjeçare pas një arresti kardiak vitin e kaluar. Ai cilësohet si futbollisti më i madh i të gjitha kohërave teksa ka fituar shumë trofe të rëndësishëm ku edhe ka qenë protagonist absolut.
