Greqia ka qenë epiqendra e shumë tërmeteve kohët e fundit. Një tjetër lëkundje sizmike prej 3.3 Rihter ka ndodhur në orën 08:41 të mëngjesit të së martës, 26 tetor, vetëm pesë kilometra në verilindje të Arkalochorit në Kretë me një thellësi 9.3 kilometra.
Pasgoditjet vijojnë në Kretë pas tërmetit vdekjeprurës që ndodhi mëngjesin e së hënës, më 27 shtator, me magnitudë 6 Rihter.
Goditjet në javët e fundit kanë qenë me qindra në Kretë, por edhe qytete të tjera të Greqisë duke shkaktuar frikë dhe panik.
Gjithashtu edhe me datë 22 shtator, Kreta ka pasur tre tërmete të njëpasnjëshme në vetëm 8 minuta. Lëkundja më e fortë ishte 3.9 e shkallës Rihter 10 km në juglindje të Arkalochorit me thellësi 5 km.
Prej disa kohësh Kreta është kthyer në një epiqendër tërmetesh në Greqi, veçanërisht Arkalochori ku pak javë më parë u shënua edhe një viktimë.
Mediat greke kanë shpërndarë edhe një udhëzues për qytetarët se çfarë duhet të bëjnë në rast tërmeti.
Ajo sugjeron të gjithë ata që ndodhen në të shtëpi të ruajnë qetësinë dhe të ulen pranë një mobilie të fortë duke mbështjellë këmbët me duar. Udhëzuesi rekomandon të mos dilni menjëherë nga shtëpia dhe të largoheni nga dritaret dhe muret e jashtme.
