Shumë ndryshe pritet të jetë raundi i 10 i Serisë A me katër skuadra që nuk do të kenë në pankinë trajnerët, por zëvendësuesit e tyre.
Bëhet fjalë për Jose Mourinhon e Romës, Luciano Spalletti i Napolit, Simone Inzaghi i Interit dhe Gian Piero Gasperini i Atalantës. Këta tekniku nuk do të lejohen nga disiplina italiane sportive që të jenë të pranishëm në sfidat e radhës.
Gasperini dhe Spalletti janë dënuar edhe me 5000 euro gjobë, kreu i stolit Atalantës u skualifikua “për shkak se në pjesën e dytë më saktësisht në minutën e 46-ë të përdori shprehje mos respektuese ndaj zyrtarëve të ndeshjes, shkelje e zbuluar nga zyrtari i katërt”.
Ndërsa Spalletti nga ana tjetër “tregoi shprehje mos respektuese në fund të ndeshjes, duke mbajtur një qëndrim ironik ndaj gjyqtarit të ndeshjes”.
Inzaghi u pezullua “për shkak se, në minutën e 43-ë, kundërshtoi në mënyrë flagrante dhe ashpër një vendim të gjyqtarit, shkelje e zbuluar nga zyrtari i katërt”. Teksa Mourinho i Romës është ndëshkuar për shkak të dy kartonave të verdhë të marrë në ndeshjen ndaj Napolit.
Për javën e 10-ë Atalanta do të përballet në transfertë me Sampdorian të mërkurën në orën 18:30, Roma me Cagliarin në orën 20:45, Interi me Empolin në po të njëjtën orë, ndërsa Napoli do të presë të enjten Bolognan në orën 20:45./K.T/Gijotina.com
