Ditën e sotme do të luajnë në Seria A dhe La Liga skuadrat e dy prej titullarëve të Kombëtares shqiptare.
Torino i portierit Etrit Berisha do të përballet me Milanin në transfertë në orën 20:45 për javën e dhjetë të kampionatit kryesor të futbollit italian. Skuadra e shqiptarit vjen në këtë sfidë më 11 pikë të mbledhura nga nëntë takime dhe renditet në pozicionin e 12 të tabelës së Seria A, ndërsa Milan qëndron në vendin e dytë me 25 pikë.
Ende nuk dihet nëse gardianit shqiptar do i besohen minuta aktivizimi në këtë sfidë ‘ferri’ për skuadrën e tij, megjithatë Berisha e ka treguar veten dhe formën shumë të mirë të tij në ndeshjet kualifikuese të Botërorit ‘Qatar 2022’.
Një tjetër ndeshje që pritet të zgjojë interes te tifozët shqiptarë është ajo e Espanyolit me Ath Bilbaon për javën e 11 të kampionatit spanjoll. Ekipi i Keidi Bares renditet aktualisht në vend të 11 me 13 pikë, teksa kundërshtarët e tyre të kësaj sfide janë në pozicionin e tetë me 16 pikë të mbledhura.
Mesfushori ka treguar formë shumë të mirë së fundmi megjithatë nuk ka marrë mjaftueshëm minuta aktivizimi me skuadrën spanjolle dhe nuk dihet nëse sot do të zbresë në fushë.
Sfidë interesante po ashtu është edhe ajo midis Venezias dhe Salernitanas, që është skuadra e një tjetër ylli të përfaqësueses ‘Kuqezi’, Frederik Veselit, megjithatë ky i fundit nuk do të luajë për shkak se është ende i infektuar me Covid-19.
Në javën e dhjetë të kampionatit Salernitana ndodhet në vend të fundit të tabelës së Seria A me vetëm katër pikë në nëntë ndeshje të zhvilluara, me kundërshtarët e kësaj jave që qëndrojnë të 16-tët me tetë pikë gjithëse./K.T/Gijotina.com
