Protesta në rrugën “Maji” vijon ndërsa banorët janë përplasur me policinë mesditën e sotme. Në një prononcim për mediet ata shprehen se janë njoftuar shumë vonë për të liruar banesat e tyre dhe se nuk janë informuar për detaje të mëtejshme se si do të veprohet me ta. Ata shprehen të bindur se do të mbrojnë shtëpitë e tyre deri në fund. Ndërsa një grua e moshuar kërkoi që vetë kryeministri Edi Rama të shkonte pranë tyre.
“Edi Rama të vijë këtu e të dalë para nesh se nuk po e vret njeri. Më mirë të na pushkatojnë, vdekja nuk është asgjë. Të kryejmë punë njëherë e mirë, të paktën të mos lëmë fëmijët në rrugë të madhe. Dokumenti na ka ardhur vetëm në ditën e premte, si me i thënë një motoristi, më sill një sufllaqe. Na kanë njoftuar që afati ishte deri në datën 26 tetor. Rezistencë do të bëjmë deri në fund”, tha ajo.
Protesta për shembjen e banesave në rrugën “5 Maji” ka vijuar prej disa ditësh. Në një shkresë, banorët janë informuar për këtë vendim të cilin kanë vendosur ta kundërshtojnë publikisht.
