Është zbuluar kompania që kishte në pronësi kamionin që u kap mëngjesin e djeshëm më 45.5 kilogramë heroinë në Portin e Durrësit. “Hensi Transport” është kompania që mundësoi kamionin, që shihni në foto. Mjeti i ngarkuar me drogë kishte destinacion Italinë dhe shërbente për transportimin e kromit.
Pas kontrollit të imtësishëm në kabinën e kamionit u gjetën të fshehura 43 pako të mbështjella me natriban brenda të cilave kishte lëndë narkotike.
Më herët policia bëri të ditur se si rezultat i finalizimit të operacionit “Portëz” ranë në pranga pronari i mjetit, Arian Çerma dhe drejtuesi i tij, Olgert Duda, por asnjëri prej tyre nuk ka pranuar dijeninë mbi sasinë e heroinës.
