Situata e transportit me urbanët në Tiranë vazhdon të mbetet në kaos. Një ditë më parë kryebashkiaku i Tiranës Erion Veliaj zhvilloi një takim me përfaqësuesit e transporti urban në Tiranë, ku i premtoi se do të subvencionojë shpenzimet e tyre si dhe do të rregullojë mangësitë që ka tregu. Atë ditë duke sikur u ra në dakordësi mes bashkisë dhe Shoqatës së Transportit, por në të vërtetë. pikat e dakordësuara me kryetarin e bashkisë, më shumë se zgjidhje kanë sjellë paqartësi për mënyrën si do shpërndahen.
Kërkesa e bashkisë për vendosjen e GPS, sipas operatorëve, është e plotësuar prej kohës, por autobusët në qarkullim vazhdojnë të jenë të reduktuar. “Nuk dimë si do na jepen dhe kur do na jepen lekët”, u shpreh Rixhin Qoshja, kreu i shoqatës së Transportit Qytetas.
Drejtori i transportit publik në Bashkinë e Tiranës, Enton Punavija, nga ana tjetër thotë se deri në aktivizimin e fondit numri i autobusëve në qarkullim mund të shkojë në 70%.“Pasi subvencioni të bëhet efektiv në fillim të vitit tjetër ne do jemi në kushtet e kontratës përpara pandemisë,” deklaroi ai, duke thënë se nuk kanë më besimin tek bashkia, pasi asnjëherë nuk i ka mbajtur premtimet që ka dhënë ndaj tyre.
Përveçse ndaj bashkisë, operatorët e linjave qytetase, kërkojnë nga qeveria heqjen e TVSH-së për biletën, akcizën për naftën dhe taksën e qarkullimit, për të cilat Veliaj tha se do i diskutojë me kryeministrin.
