Këngëtarja e njohur italiane, Ilva Maria Biocati ka vdekur në moshën 81-vjeçare. Ajo njihej për të gjithë me emrin Milva ndërsa në qytetin e saj njihej si “Pantera di Goro”. Këngëtarja vdiq në shtëpinë e saj në qendër të Milanos. Lajmi konfirmohet për Ansa nga vajza e saj Martina Corgnati, që shpjegon që nëna e saj kishte disa kohë që vuante nga një sëmundje.
Interpretuesja historike e këngës italiane lindi më 17 korrik 1939. Ajo ka gëzuar sukses botëror, duke qenë shumë e pëlqyer jo vetëm në Itali por edhe në Gjermani dhe në botë. Familja në këto momente po merret me organizimin e ceremonisë funerale, për ti dhënë këngëtares lamtumirën e fundit.
