Futbollisti i skuadrës së Teutës, Albano Aleksi ka theksuar se durrsakët nuk i druhen asnjë kundërshtari në kampionatin shqiptar. Sipas tij për të folur për titullin kampion është shumë herët megjithatë në skuadër e kanë një dëshirë për tu rikonfirmuar kampionat.
“Nuk i druhemi asnjë kundërshtari. Të gjithë mund të fitojnë apo të gjithë mund të humbasin. Jemi shumë të qetë, nuk kemi presion. Synimet tona nisin aty ku e kemi lënë vjet. Për sa i përket pretendimit për titull, është akoma shpejt të flasim, por nuk mund ta fsheh se të gjithë kemi një dëshirë të tillë. Gjithashtu, ekipi ynë ka pretendime edhe në Kupë. Do të luftojmë deri në fund”, theksoi Aleksi.
