Gara për të fituar çmimin prestigjioz të “Topit të Artë” është më e ngushtë së kurrë më parë në dekadën e fundit. Shumë futbollistë kanë bërë mirë me ekipet e tyre dhe janë kandidatë potencial për tu nderuar me këtë çmim. Ditën e sotme ka qarkulluar në rrjetet sociale një foto ku tregohet lista me lojtarët më të votuar. Sikurse shikohet edhe nga pamjet, në vendin e parë pozicionohet sulmuesi i Bajern Mynih, Robert Levandovski i ndjekur nga Lionel Messi dhe Karim Benzema.
Një renditje paksa e çuditshme pasi në të gjitha sondazhet Messi qëndron në vendin e parë. Nuk është hera e parë që emri i fituesit (nëse do të jetë) del disa ditë para dhënies së çmimit. Në vitin 2018 qarkulloi një foto ku Modriç ishte në vendin e parë në listë teksa më pas rezultoi se ai fitoi çmimin prestigjioz.
