Ligji i ri i vendosur, për shkak të pandemisë ka bërë që të burgosurit nuk takojnë dot familjarët e tyre. Për këtë fakt, në burgun e Burrelit, Peqinit e Fushë Krujës të dënuarit janë ngritur në protestë. Ata kanë refuzuar dhe ushqimin që u shërbehet nga mensa e këtij institucioni të vuajtjes së dënimit.
Për protestat në fjalë ka folur dhe Admir Tafili, i cili po vuan dënimin në burgun e Burrelit, ku është me dënim të përjetshëm. Në një intervistë të dhënë për JOQ, ai ka pohuar se protestat do të përhapen në të gjitha burgjet e vendit.
Tafili ka pohuar se kjo grevë ka nisur pasi atyre iu janë mohuar të drejtat dhe takimet me familjarët. Bëhet fjalë për një ligj të vitit 2020 ku takimet lejohen vetëm në rrethin e ngushtë familjar, pra motra, vëllai, nëna e babai. Më parë ligji lejonte takimet dhe me persona të tjerë.
Ndër të tjera Admir Tafili është shprehur se dhe numri i vizitave në muaj është reduktuar, ku lejohet vetëm një e tillë, por për këtë nuk kanë kundërshtuar. Sipas psikologut, kjo që po bëhet është një shkelje dhe se të burgosurit duhet të kërkojnë të drejtën e tyre.
Në këtë periudhë nuk po marrin asnjë ushqim nga jashtë, por po konsumojnë rezervat. Më tej, ai pohon se ushqimi që shërbehet brenda në burg është skandaloz. Drejtuesit madje kanë kërcënuar të burgosurit për tu tërhequr nga protestat, ku u përmendin izolimin.
Sipas Tafilit, protestat do të zhvendosen dhe në burgje të tjera e priten përshkallëzime.
