Nënkryetari i Lëvizjes Socialiste për Integrim, Petrit Vasili, ka bërë një paralele mes situatës së vettingut në Shqipëri me atë në Poloni, ku BE e ka gjobitur këtë të fundit me gjobë 1 milion ero në ditë, për pezullimin e legjislacionit që lejonte influencën politike në proces.
“Zgjatja e Venttingut të kapur në Shqipëri dhe dënimi i vetingut politik në Poloni!
Zgjatja e afatit të të KPK së Vettingut dhe degradimi i tij në një pazar politik të rëndomtë është një realitet, që mjerisht ka toksikuar të gjithë shoqërinë dhe ambientin politik.
Ndërkohë që Gjykata e Drejtësisë Luxembourg dënoi sot Poloninë me 1.000.000 euro në 8 ditë për Çështjen C-204/21 R, sepse nuk pezulloi zbatimin e legjislacionit, që lejonte influencën politike mbi Dhomën Disiplinore (Vettingun) pasi anëtarët e saj zgjidheshin nga presidenti dhe zgjatja e afatit të Vettingut do të bëhej sërish nga një organ politik duke cenuar pavarësinë e gjyqësorit.
Pra shqetësimi për një vend të BE-së si Polonia është shumë serioz dhe dënohet fort, mendo Shqipëria që me këtë farë Vettingu politik, që po bën do të dënohej së paku me 100 milion euro në ditë”, ka shkruar ai.
Vasili shkruan se zgjatja e Reformës në Drejtësi në vendin tonë, e iniciuar nga Partia Socialiste, do të thotë se do të pezullohen nga detyra disa prokurorë apo gjyqtarë që nuk i përgjigjen pushtetit.
“Po përse kërkohet me kaq ngulm histerik në Shqipëri zgjatja e KPK të Vettingut?
Arsyeja është shumë e thjeshtë. Vettingu politik siç funksionon aktualisht pra i kapur nga qeveria siguron seleksionimin e gjyqtareve dhe prokuroreve, që i pëlqejnë asaj dhe sigurohet pandeshkueshmëria e qeverisë për mijëra gjëra që rëndojnë mbi të. Përse zgjidhja, që ka Kushtetuta është korrekte dhe zgjatja e Vettingut (KPK) abuziv? Të gjitha momentet që lidhen me ndryshimet për Reformën në Drejtësi për çdo situatë të krijuar kanë në Kushtetutë mekanizmin e ç bllokues. Edhe vetë institucionet e Vettingut u ngritën në sajë të këtij mekanizmi ç bllokues pasi shumicat e cilësuara parlamentare nuk u realizuan në asnjë rast”, ka shkruar ai.
Vasili nënvizon më tej, se në të gjithë këtë periudhë qytetarët kanë parë zero rezultat nga Reforma në Drejtësi dhe çdo ditë po përballen me padrejtësi nga më të ndryshmet.
Po ashtu ai ka përfunduar se biznesi po përballet me një pasiguri juridike ekstreme qe sipas tij po dekurajon investimet dhe po varfëron thellë ekonominë e vendit dhe qytetaret e thjeshte.
