Situata e pandemisë në Greqi, vazhdon të jetë shqetësuese. Mësohet se në 24 orët e fundit janë regjistruar 3,643 të infektuar, nëntë prej të cilëve janë konfirmuar në pikat hyrëse të vendit.
Kurse, numri total i të infektuarve në vend shkon në 734,778. Sa i përket rasteve të konfirmuara në shtatë ditët e fundit, 153 kanë qenë persona që kanë udhëtuar jashtë kurse 2,837 të tjerë janë raste kontakti.
Rastet fatale për sot ishin 55, kurse që nga fillimi i pandemisë totali ka shkuar në 15,856, prej të cilëve 95.4% kanë pasur sëmundje shoqëruese ose/dhe ishin mbi 70 vjeç. Numri i pacientëve që ndodhen në intubim është 392, 59.4 për qind e të cilëve janë meshkuj, mosha mesatare e të cilëve është 65 vjeç.
80.4% e tyre kanë sëmundje shoqëruese dhe/ose janë mbi 70 vjeç.
