Futbollisti i ekipit kombëtar Berat Gjimshiti u dëmtua në sfidën ndaj Hungarisë pas lëndimit në krah teksa i’u nënshtrua një operacioni që përfundoi me sukses. Trajneri i Atalantës, Gasperini ka folur në lidhje me rikuperimin e mbrojtësit shqiptar dhe rikthimin në fushë.
“Gjimshtiti nuk kishte një probleme muskulor. Sapo të ketë sigurinë që nuk do të dëmtohet më, do të mund të luajë”, theksoi ai. Pra duhet pritur deri sa fraktura të ngjitet dhe të mos rrezikojë nga përplasjet me kundërshtarët gjatë dyluftimeve.
Gjimshiti është stërvitur individualisht gjatë kësaj jave dhe pas disa ditësh do të rrisë intensitetin për të kapur formën e duhur dhe për të qenë gati për skuadrën italiane por edhe ekipin kombëtar që luan sërish në muajin nëntor.
