Ka përfunduar në avantazhin e skuadrës së Kukësit pjesa e parë e ndeshjes ndaj Dinamos. Verilindorët kaluan në avantazh në minutën e 28 të takimit me anë të futbollistit Edi Basha që shënoi një supergol. Pas një topi të gjatë nga mbrojtja, kroati mposht portierin kundërshtar me një goditje perfektë duke kaluar në avantazh skuadrën e trajnerit Diego Longo. Avantazhi i Kukësit vendosi nën presion vendasit që humbën durimin dhe qetësinë. Në minutën e 44 pati tension në fushën e lojës.
Enea Jorgji ndëshkon me karton të verdhë Rimal Haxhiun dhe Gjelbrim Taipin pas një përplasje të këtyre dyve në mesfushë. Pjesa e parë u mbyll me avantazhin e skuadrës verilindore që duhet theksuar se pretenduan edhe për një penallti. Kukësi tregon sërish se është një skuadër e mirëorganizuar dhe një fitore sonte në mbrëmje do ti ngjiste në kuotën e 14 pikëve në kampionat duke barazuar Tiranën e vendit të parë. Në anën tjetër Dinamo kërkon të paktën barazimin teksa skuadra e trajnerit Shkëmbi ka treguar jo pak oshilacione.
