Vijojnë tenderët me një konkurrent në Bashkinë e Tiranës. Këtë herë bëhet fjalë për kompaninë “Pastrime Silvio sh.p.k”, e cila ka fituar tenderin me 100% të vlerës.
Kjo kontratë është lidhur në 26 tetor të këtij viti, ku bashkia i jep 13 milionë lekë për pastrimin e rrjetit i kanalizimeve të ujërave të shiut.
Normalisht tenderët fitohen me konkurs, por kjo nuk paska qenë e përcaktuar për këtë kompani, pasi Bashkia e Tiranës ka lidhur kontratë me vlerë 100% të fondit limit. Tenderi është dhënë nga Drejtoria e Përgjithshme e Rrugëve dhe Ndriçimit Rrugor, ndërsa fondet nga Buxheti i bashkisë Tiranë.
Fondi limit i këtij tenderi është 1 327 450 lekë të reja. Nuk është hera e parë që kjo ndërmarrje jep tendera pa garë, ku ka garuar vetëm një subjekt dhe është shpallur fitues.
Një rast i ngjashëm, ku bëhet fjalë për kompaninë “ITE Group sh.p.k”, e cila ka siguruar nga Bashkia e Tiranës një tender me vlerë 39.198.200 për mirëmbajtjen e ndriçimit publik dhe që mban datën 11 maj 2020.
Ndërkohë, po në të njëjtën datë, kjo kompani është shpallur fituese dhe për tenderin për blerjen e materialeve për ndriçim me vlerë 30.642.000. Në dokumentet e Drejtorisë së Përgjithshme të Rrugëve dhe Ndriçimit Rrugor, Tiranë, i vetmi operator konkurrues në garën për këto dy tendera ka qenë “ITE Group”sh.p.k.
Gijotina.com
