Partizani do të përballet të dielën me skuadrën e Egnatias në ‘Air Albania’ në orën 16:45 për raundin e shtatë të Superligës.
Në prag të kësaj sfide mesfushori Esat Mala ka dalë në konferencë për mediat përkrah zëvendëstrajnerit Renaldo Kalari, për shkak se trajner Ilir Daja është i pezulluar.
Mala ka thënë se problemi i tyre ka qenë te finalizimi, ndërsa k a shtuar se ka ardhur koha që skuadra e tyre të bëjë kthesë në rrugën drejt kreut të klasifikimit.
“U bënë disa ndeshje që nuk kemi marrë fitoren dhe kjo na mërzit shumë, pasi ne luftojmë shumë për tri pikë. Gjatë këtyre javëve më shumë është një ngërç psikologjik, çdokush punon në të mirë të grupit për të kaluar këtë gjë. Shpresojmë që nesër për të marrë tri pikët e para.
Çfarë i mungon Partizanit? Ajo që na ka munguar është mos shfrytëzimi I rasteve para porte, kjo është. Ndonjëherë ndodh edhe kjo. Nuk e kisha menduar këtë ecuri dhe besoj çdo lojtar nuk e ka çuar në mendje një gjë të tillë. Kemi objektiva madhorë për kreun e klasifikimit dhe shpresojmë që me fitore të kthehemi në rrugë të mbarë.
Egnatia? Ka atë entuziazmin e ngjitjes në Superligë. Ka bërë mirë dhe e vlerësojmë shumë. Do futemi në fushë për të bërë më të mirën për tri pikët”,-u shpreh Mala.
Rikujtojmë që ‘Demat’ prej gjashtë javësh vuajnë mungesën e fitoreve dhe kanë grumbulluar vetëm 4 pikë, duke u renditur në vendin e 8 të tabelës së Superiores./K.T/Gijotina.com
