Policia e Vlorës ka arritur të arrestojë në flagrancë autorin e 11 vjedhjeve të ndodhura në qytetin bregdetar.
Mësohet se, në pranga ka rënë E. D., 32 vjeç, banues në Vlorë, i dënuar më parë po për të njëjtën vepër penale. 32-vjeçari ka vjedhur banesat e 11 qytetarëve vlonjatë, duke marrë shuma të konsiderueshme parash, sende me vlerë, përfshirë edhe ato elektroshtëpiake.
Në cilësinë e provës materiale u sekuestruan disa prej sendeve të vjedhura dhe mjetet të cilat autori i përdorte për realizimin e vjedhjeve. Materialet i kaluan Prokurorisë së Rrethit Gjyqësor Vlorë, për veprën penale “Vjedhja”.
