SHBA ka vendosur sanksione ndaj Iranit, kjo për shkak të furnizimeve me dronë dhe pajisje tjera të grupeve kryengritëse që mbështet.
Ato janë vendosur ndaj dy anëtarëve të lartë të Gardës Revolucionare të Iranit, dhe dy kompanive për të cilat Shtetet e Bashkuara thonë se janë të lidhura me programin e dronëve të IRCG-së. Departamenti i Thesarit në SHBA, i cili ka thënë se përhapja e këtyre mjeteve nga Irani kërcënon paqen dhe stabilitetin ndërkombëtar. “Garda Revolucionare e Iranit ka përdorur dhe përhapur dronët, përmes të cilëve janë bërë edhe sulmet ndaj forcave të SHBA-së dhe anijeve ndërkombëtare”, thuhet në reagim.
Sekretari Anthony Blinken reagoi gjithashtu në lidhje me këtë ngjarje, ku njoftoi se Amerika është gati të kundërshtojë të gjithë aktivitetin kërcënues të Iranit.
Sanksionet në fjalë përfshijnë bllokimin e pasurisë në Shtetet e Bashkuara të individëve dhe subjekteve të tjera.
