Barcelona zbriti në fushë këtë fundjavë për herë të parë që nga shkarkimi i trajnerit Koeman, ku drejtimin e stolit katalanas e kishte Sergi Barjuan.
Pjesa e parë u nda në barazimin pa gola, ku nga të dyja anët e fushës mungoi dëshira për të krijuar raste për shënim, por duhen përmendur momentet e vështira që e detyruan Sergio Agueron të luante vetëm 41 minuta.
Sulmuesi dukej se po luftonte që të merrte frymë dhe kishte shqetësime, ku menjëherë reagoi stafi mjekësor.
Aguero ishte në gjendje të dilte nga fusha pa ndihmën e barelës, por sigurisht që ishte një shqetësim dhe zëvendësohet nga Philippe Coutinho.
Fillimi i pjesës së dytë do të zhbllokonte rezulatin falë golit të Depay nga distanca, që shënon në minutën e 49’ për ti dërguar shifrat në 1-0, por menjëherë ka ardhur kundërpërgjigja e Alaves, që me Riojën barazon gjithçka me golin që ishte vendimtar në rezultatin final në barazimin 1-1.
